გაკვეთილის გეგმა

გაკვეთილის მთავარი თემა	ფერწერული ნახატის შექმნა ბუნების მოვლენებზე ,ყოფით სცენებზე , ცხოვრებაში ნანახი სცენების გახსენებით, საკუთარი ფანტაზიის, წარმოდგენის გამოყენებით.
საგანი/პედაგოგი	სახვითი და გამოყენებითი ხელოვნება /თამარ ლომჯარია
სწავლების საფეხური/კლასი	საბაზო საფეხური/VII კლასი
მოსწავლეთა პროფილი	2 მოსწავლე/სსსმ საჭიროების მოსწავლე არ არის
გაკვეთილის მნიშვნელობა/აქტუალობა	·         ეს გაკვეთილი დაეხმარება მოსწავლეებს შემოქმედებითი უნარების განვითარებაში. ·         მოსწავლეები მიეჩვევიან დამოუკიდებლად გადაწყვეტილების მიღებას, განუმტკიცდებათ პრაქტიკული სამუშაოს შესრულების უნარი, წარმოდგენის უნარი. ·         ეს უნარები მთელი ცხოვრების განმავლობაში გამოადგებათ. ·         ასევე მოსწავლეებს განუვითარდებათ კომუნიკაციის უნარი.
გაკვეთილის მიზანი და მისაღწევი შედეგები	ესგ. VII 1 მოსწავლეს შეუძლია შემოქმედებითად გამოიყენოს სახვითი და გამოყენებითი ხელოვნების ელემენტებისა და პრინციპების ცოდნა კონკრეტული პრობლემის გადასაჭრელად ნამუშევრის შექმნისას. შედეგი თვალსაჩინოა თუ მოსწავლე ·         იყენებს სხვადასხვა ხერხს [შუქ-ჩრდილი, კონტრასტი, კომპოზიციური განაწილება, მონასმი, ფაქტურა, კოლორიტი] ასოციაციებისა და ემოციების გადმოსაცემად. ·         ნამუშევრის შექმნისას იყენებს კომპოზიციური განაწილების ძირითად ხერხებს. მაგ. ხედვის წერტილს, წონასწორობას, სიმეტრიას, ასიმეტრიას, სტატიკას, დინამიკას. ·         ხატავს სივრცეს პერსპექტივის ძირითადი კანონების გამოყენებით. ესგ. VII 2 მოსწავლეს შეუძლია მიზანმიმართულად აირჩიოს და შემოქმედებითად გამოიყენოს სხვადასხვა მასალა, ტექნიკა და პროცედურა ნამუშევრის შექმნისას. შედეგი თვალსაჩინოა თუ მოსწავლე: ·         ირჩევს შესაბამის  გამომსახველობით ხერხებს , მასალას, ტექნიკას და თემატიკას განწყობილების გადმოსაცემად. ესგ VII 9 ·         მოსწავლე კრიტიკის დროს პატივისცემით ეკიდება სხვის ნამუშევარს და აზრს. შედეგი თვალსაჩინოა თუ მოსწავლე ·         კორექტულია სხვის შეცდომებზე საუბრისას. ·         ტოლერანტულია განსხვავებული იდეების, სტილის, მიდგომების მიმართ. ·         კამათის დროს სხვას აცდის საუბარს.
წინარე ცოდნა	Ø  მოსწავლეებმა იციან სახვითი ხელოვნების ძირითადი ელემენტები და პრინციპები, ნახატის შექმნისთვის შუქ-ჩრდილის, კომპოზიციური განაწილების, კოლორიტის, პერსპექტივის კანონების და სხვა ხერხის გამოყენება.
შეფასების საგანი და პროცედურები	ü  ვიყენებ განმსაზღვრელ და განმავითარებელ შეფასებას. ü  შეფასების რუბრიკის გამოყენებით ვაფასებ მოსწავლეთა ნამუშევარს. ü  სიტყვიერი კომენტარით ვაფასებ, მოსწავლეთა მიერ სხვისი ნამუშევრის შეფასებას.
გამოყენებული სასწავლო მასალა და ტექნიკური რესურსი	სახელმძღვანელო, კომპიუტერი, პროცესორი, ფურცლები, გუაში, პასტელი, აკვარელი, ფანქრები, ფუნჯები.
გაკვეთილის მსვლელობა და მენეჯმენტი	გაკვეთილის A ფაზა - გამოწვევა აქტივობა 1 - წინარე ცოდნის გააქტიურება.   2 წთ მოსწავლეებს ვესაუბრები ფერწერული ნამუშევრების შესახებ [ფერწერის ტექნიკის, გამომსახველობითი ხერხების, სამუშაო იარაღების და სხ. ] აქტივობა 2 - ელექტრონული პრეზენტაცია ვაჩვენებ ფერწერული ხელოვნების შედევრებს - 3წთ. აქტივობა 3 - გონებრივი იერიში    3წთ. მოსწავლეები პასუხობენ კითხვებს რა არის -         კომპოზიციური განაწილების ძირითადი ხერხები. -         პერსპექტივის ძირითადი კანონები. -         სახვითი ხელოვნების  გამომსახველობითი ხერხები. -         სამუშაო იარაღები გაკვეთილის B ფაზა- ცოდნის კონსტრუირება აქტივობა 4 _ მოსწავლეებს ვაძლევ პრაქტიკულ სამუშაოს- უნდა შექმნან ფერწერული ნახატი ცხოვრებაში ნანახი სცენების, ბუნების მოვლენების ,ყოფითი სცენების გახსენებით, წარმოდგენით. ვახსენებ შეარჩიონ სამუშაო მასალა, იარაღები, ფორმატი, კომპოზიცია, სიუჟეტი, ფერები. 5 წთ გაკვეთილის C  ფაზა- რეფლექსია აქტივობა 5 _ მოსწავლეებმა უნდა დახატონ ფერწერული ნახატი. გამოიყენონ მეხსიერება, დაკვირვების უნარი, წარმოდგენის უნარი, გონებაში აღიდგინონ ნანახი სცენები და შეძლებისდაგვარად გადმოსცენ ნახატში.   25 წთ შეფასება - მოსწავლეები აფასებენ ერთმანეთის ნამუშევარს. მასწავლებელი სიტყვიერ კომენტარს იძლევა მოსწავლეთა ურთიერთშეფასებაზე და შეფასების რუბრიკის  გამოყენებით აფასებს მოსწავლეთა ნამუშევარს.     4 წთ საშინაო დავალება - 2წთ